اليوم الأول: الجمعة 27 ديسمبر 2024:
محاضرة (لأ):
كلمة «لأ » من أوائل الكلمات اللي بننطقها فى حياتنا.. ومن أهمها على الإطلاق.. إحنا بنحتاج «لأ » وإحنا صغيرين، وبنحتاج “لأ” واحنا كبار.
واحنا صغيرين، كلمة «لأ » بتساعد الطفل في رسم حدوده النفسية والجسدية.. وبتحسسه بالاستقلالية.. وبتؤكد له قدرته على الاعتماد على نفسه.. وده يخليه يكبر وينمو بشكل صحي وسليم.
وبنحتاج «لأ » وإحنا كبار علشان نحافظ بيها على نفسنا.. وحدودنا.. وكمان حقوقنا النفسية..
كلمة «لأ ».. احتياج طبيعي فطري عند أي بني آدم. كلمة «لأ » أداة من أدوات الحياة.. وأصل من أصول الإنسانية.
فى المحاضرة دى.. هانتكلم عن (لأ) وأهميتها، وتاريخها النفسي فى حياتنا، هانعرف إيه وظائفها وفوائدها.. هانتعلم امتى نقول (لأ)، وازاى، ولمين. هانفهم أنواع كلمة (لأ): (لأ) الصحية اللى بتبنى وتصلح، و(لأ) المؤذية اللى بتهدم وتفسد. وهانشوف نعمل إيه مع اللى بيقابلوا كلمة (لأ) بالرفض أو العقاب أو التلاعب.. من أول الأهل، لغاية شريك الحياة. وهانكتشف إن فيه (لأ) نقولها للآخرين.. و(لأ) مهم نقولها أحياناً لنفسنا.
اليوم الثانى: السبت 28 ديسمبر 2024:
محاضرة (أنا وأنت)
وجلستين جماعيتين
فيه ست مراحل ممكن تمر بيهم أى علاقة فى الدنيا. من أول علاقة الطفل بأمه وأبوه، لغاية علاقات الحب والارتباط والزواج.. مع كل مرحلة، فيها احتياج نفسي مهم يتم اشباعه، ورسالة نفسية مهم انها توصل. لما يحصل ده، بنعدى ونوصل للمرحلة التالية، ولو ما حصلش.. العلاقة تقف وتعطل، ويصيبها الركود أو الفشل.
فى المحاضرة دى هانتعرف على المراحل اللى بتمر بيها العلاقات، إيه مواصفات كل مرحلة، إيه مميزاتها وإيه عيوبها، إزاى نقدر نخطي المراحل دى ، من غير ما نؤذى بعض أو نفقد بعض.. هانشوف أمثلة من حياتنا اليومية، ومن الفن، ومن البيت والشارع ومكان العمل على أنواع ومراحل العلاقات، إيه اللى ممكن ينجحها، وإيه اللى ممكن يعطلها أو يفشلها، وهانعرف إيه أفضل وأجمل وأفيد صفات لأى علاقة ممكن نكون فيها.
اليوم الثالث: الأحد 29 ديسمبر 2024:
محاضرة (مشاعر)
وجلستين جماعيتين
فيه جوانا أنواع كتير من المشاعر: فرح.. حزن.. غضب.. خوف.. حب.. كره.. وغيرهم..
بنسمح لنفسنا نحس ببعض مشاعرنا.. ونمنع نفسنا نحس بمشاعر تانية..
أحياناً اللى حوالينا يقبلوا مننا مشاعر الفرحة والحب والامتنان، لكنهم ينزعجوا أو يرفضوا أو يستنكروا لو أظهرنا غضب أو خوف أو ألم..
اتربينا إننا نعبر عن المشاعر -لو عبرنا- بطريقة معينة، وفى وقت معين، وبحساب لكل الناس، إلا صاحب المشاعر نفسه..
هل كل المشاعر من حقنا؟ هل الخوف مفيد؟ هل الألم حق؟ هل الحزن والفقد ليهم دور فى بناء وصلابة ومناعة نفسيتنا؟
فى المحاضرة دى هانتعرف على مشاعرنا.. أنواعها وفوايدها ودورها فى حياتنا.. وهانتعلم ازاى نقبل مشاعرنا، وازاى نقبل نفسنا بكل مشاعرنا، هانشوف وظيفة الخوف زى وظيفة الاطمئنان، وحق الألم زى حق الامتنان، ودور الحزن زى دور الفرحة..
وهانشوف فيلم رائع وجميل ومبدع عن المشاعر.. ودورها وأهميتها فى بناء شخصيتنا، وفى نجاح علاقاتنا، وفى رقيّ حياتنا.
جلسات المشاركة الجماعية:
هانقعد فى دايرة مع بعض.. ونفتح قلوبنا وعقولنا.. ونشارك مشاعرنا وحكاياتنا فى جو من الأمان والاهتمام والقبول والاحترام. علشان نكتشف نفسنا.. ونوسع وعينا.. وناخد قرارات جديدة فى حياتنا.. هانسمع.. ونتكلم.. ونضحك.. ونتألم.. هانتونس.. ونتأمل.. هانفتح عينينا.. نشوف نفسنا أكتر.. ونشوف غيرنا أوضح.. ونشوف الحياة أوسع..
Ticket Information
Additional Details
Organiser
Egyptian Psychiatrist, Psychotherapist and Author, living in the UK.
Dr. Taha is a Consultant Psychiatrist and Associate Professor of Psychiatry, Faculty of Medicine, Minia University, Egypt. He is also the founder, director, and lead Psychotherapist at Roots Counselling and Psychotherapy Services Ltd, London, UK.
Dr. Mohamed is the former Vice-President of the Egyptian Association for Group Therapies and Processes (EAGT), a Registered Member of the British Association of Counselling and Psychotherapy (MBACP) and a Certified Group Psychotherapist (CGP) from the American Group Psychotherapy Association (AGPA).
Dr. Mohamed graduated from Minia Faculty of Medicine, Egypt, and studied a major part of his PhD in the Centre for Psychoanalytic Studies, Essex University, UK on the “Creative Aspects of Group Psychotherapy”. He has many international publications in leading journals of group psychotherapy, co-authored some scientific books and book chapters and participated in many international conferences all over the world.
He is interested in raising psychological awareness in the Egyptian and Arab communities, using a simple, yet scientific language. His Arabic books have attracted a very wide population of all ages and encouraged them to read in the fields of psychology, self-help, and interpersonal relationships. His books have been best sellers since their release (2015) till now.
He conducted a talk with TEDx in April 2016. He has been a regular guest on many satellite and radio channels discussing psychological, psychosocial, and inter-personal matters. He participated for two consecutive seasons in a one-hour weekly TV show (Shezlong) on TEN TV. He regularly conducts public lectures, workshops, and interactive meetings in many countries, in addition to an annual public lecture in the bibliotheca Alexandria’s great hall.
